صبغ الشعر في بيتك من الحاجات اللي معظم البنات بتشوف انها صعبة او مستحيله ومش بيعرفوا يعملوها لنفسهم خالص في البيت وممكن ميكونش فى وقت يروحوا مكان لتجميل وصبغه الشعر يصبغوا شعرهم فيه ومش بيعرفوا يعملوا ايه احنا النهاردة فى موقعنا عالم ألماس هنحل لكل البنات المشكلة دي وهنخليكي تصبغي شعرك بنفسك في البيت والنتيجة هتطلع زي صالون التجميل بالظبط وأجمل كمان.
1- الحركة الاولى:
اول حاجه هي تجهيز نفسك و الشعر قبل الصبغة بربع ساعه اول حاجة منكونش غاسلين الشعر قبل الصبغة بيومين عشان نحتفظ بالزيوت اللي بتفرزها الرأس عشان هى بتساعد على ثبات اللون اكتر, ولو شعرك جاف اوي ممكن قبل الصبغة بعشرة أيام تعملي كل يوم حمام كريم لشعرك عشان ترطبيه وده كمان هيحافظ على شعرك طري وناعم وهيحميه من الجفاف بعد الصبغة.
2- الخطوة الثانيه:
اختيارى اللون الى يناسب لون بشرتك لازم نكون اخدين بالنا كويس اوي لما نيجي نختار اللون ونختار اللون الصح اللي يمشي معانا دايما اختاري اللون يكون افتح او اغمق من لون شعرك الطبيعي بدرجتين او ثلاثة.
3- الخطوة التالتة:
تسريح شعرك كويس بمشط تكون أسنانه واسعة او فرشة عشان تفرق بين خصل شعرك من بعضها وقسمي شعرك خمس اجزاء, وادهني عند منابت الشعر والاذن بالفازلين عشان تحمي جلدك من الصبغة والبطاس.
4- الخطوة الرابعة:
هنبدأ تجهيز نفسنا للصبغة اول حاجه فوطة على كتفك عشان تحمي هدومك من بقع الصبغة والبسي جوانتي طبى عشان تحمي ايدك من الصبغة.
5- الخطوة الخامسة:
قبل ما نبدأ في الصبغة اقري الارشادات اللي علبة الصبغة كويس لانها بتختلف من علبه للثانيه ونبدأ بعدها نعمل الصبغة, بيجي مع علبة الصبغة حاجتين اللون اللي هو بيكون في انبوبة تشبه الكريم ومعاه كريم تفتيح بيكون في ازازة وسايل شوية عامل زي البلسم دول هنحطهم على بعض في طبق ونخلطهم كويس .
6- الخطوة السادسة:
حالياً الصبغة هناخد جزء من الشعر ونحط عليها بفرشة الصبغة ونبدأ الاول بجذر من الأمام لحد الاطراف فى الخلف وبعدين بعد ما تخلصي صبغة الشعر كله افركى الشعر كويس كله مع بعضه باطراف صوابعك عشان الصبغة تمشى فى الشعر كله وبعدين نغطي شعرنا بطاقية الشعر او كيس بلاستيك وهنسيب الصبغة على الشعر زي ما مكتوب في ورقة الى فى علبة الصبغة ومنكترش الوقت اكتر من المكتوب على العلبه فى ورقة لانه ممكن تضر شعرنا لو سيبناها زيادة عن اللزوم ولا نغسل قبل الوقت نلتزم بالوقت المكتوب بالظبط بعد اخر خصلة بتصبغيها من شعرك على طول واستمتعى بشعر لامع جذاب.